Qytaıda qabyǵyna «baqyt», «uzaq ǵumyr» degen ıeroglıfter jazylǵan qarbyz-qaýyndar satylyp jatyr. Bul jemisterin tez ári tıimdi baǵaǵa satý úshin Gý Sınlıan degen fermerdiń oılap tapqan «qýlyǵy» eken.
Qarbyz-qaýyny durys ótpeı, kúni boıy shaqyraıǵan kún astynda turǵan Gý fermer ishi pysyp, tyrnaǵymen jemisteriniń syrtyna «Fý», «Shoý» dep jazyp qoıǵan eken. Jazýy bar qarbyz-qaýynynyń bári bir saǵatqa jetpeı satylyp ketedi. Sóıtip, saýdasy qyzyp sala bergen fermer az kúnde 3 tonna qarbyz, 1 tonna qaýyn satyp, biraz tabysqa kenelipti. Fýdyń erekshe qarbyz-qaýyndary týraly jurt áleýmettik jelige jazyp, jýrnalıster habarlasyp, qarapaıym fermer aıaq astynan medıa-juldyzǵa aınalyp shyǵa keldi. Qazir ol jemisterine klıentteri qalaǵan tilekti jazyp berýge kóshken.
Qytaıda «baqyt», «uzaq ǵumyr», «densaýlyq», «tabys» degen maǵyna beretin ıeroglıfterdi túrli buıymdarǵa jazatyn salt bar eken. Ony kóbinese bireýge syılyq jasaǵanda óz qoldarymen jazýǵa tyrysady.
Nurhan ASQAR